/KASE, 14.11.24/ – Облигациялары Қазақстан қор биржасының (KASE) ресми тізімінде тұрған "Қазақстанның Даму Банкі" АҚ KASE-ге 2024 жылдың 14 қарашасындағы пресс-релизді ұсынды, онда төмендегілер көрсетілген: дәйексөздің басы "ҚАЗАҚСТАННЫҢ ДАМУ БАНКІ" АҚ ӨЗІНІҢ БАРЛЫҚ ӨТЕЛМЕГЕН ОБЛИГАЦИЯЛАРЫН ЖЫЛДЫҚ 5,75% СЫЙАҚЫ МӨЛШЕРЛЕМЕСІМЕН ЖӘНЕ 2025 ЖЫЛЫ ӨТЕУ МЕРЗІМІМЕН АҚШ ДОЛЛАРЫМЕН САТЫП АЛЫНАТЫН ОБЛИГАЦИЯЛАР ҮШІН СЫЙАҚЫ ТӨЛЕЙ ОТЫРЫП САТЫП АЛУ ТУРАЛЫ ҰСЫНЫСТЫҢ СОҢҒЫ НӘТИЖЕЛЕРІН ЖАРИЯЛАЙДЫ 14 қараша 2024 ж. – 15 қазан 2024 ж. "Қазақстанның Даму Банкі" АҚ ("Оферент"), Қазақстан Республикасында құрылған акционерлік қоғам, 2024 жылғы 15 қазандағы сатып алу ұсынысында көрсетілген шарттарда ("Сатып алу ұсынысы") әрбір Ұстаушыға (Сатып алу ұсынысында анықталғандай) ақшалай сыйақы төлей отырып, Оферент шығарған ("Тендерлік ұсыныс") жылдық 5,75% сыйақы мөлшерлемесімен және 2025 жылы өтеу мерзімімен барлық облигацияларды ("Облигациялар") сатып алу туралы ұсыныстың басталғаны жайында хабарлайды. Осы құжатта қолданылатын, бірақ анықталмаған бас әріппен жазылған терминдердің Сатып алу туралы ұсыныста көрсетілген мағыналары болады. Оферент орта мерзімді облигациялар бағдарламасы шеңберінде шығарылған, АҚШ долларымен деноминалданған жаңа еурооблигациялар ұсынысымен бірге Тендерлік ұсыныс жасады. ("АҚШ долларындағы Жаңа облигациялар") ("АҚШ долларындағы Жаңа облигациялар ұсынысы"). АҚШ долларындағы Жаңа облигациялар ұсынысы 2024 жылдың 23 қазанында жабылды. АҚШ долларындағы Жаңа облигациялар ұсынысынан түскен қаражаттар, басқалармен қатар, Тендерлік ұсынысты қаржыландыруға жұмсалды. ... Соңғы нәтижелер Тендерлік ұсыныстың мерзімі 2024 жылдың 13 қарашасында Нью-Йорк уақыты бойынша 17:00-де аяқталды ("Ұсыныс мерзімі"). Ұсыныс мерзімі аяқталған сәтте Ерте өтінімдерді қабылдау мерзімі аяқталғаннан кейін өтеу үшін ешбір қосымша Облигациялар ұсынылмаған және Оферент өтеу үшін қосымша Облигацияларды қабылдаған жоқ. Сәйкесінше, Ұсыныс мерзімі аяқталған сәтте 325 146 000 АҚШ долларына тең негізгі қарыздың жиынтық сомасында өтелмеген Облигациялар қалды. дәйексөздің соңы Баспасөз хабарламасының толық нұсқасы жарияланды: - https://kase.kz/files/emitters/BRKZ/brkz_relizs_141124_kaz.pdf – қазақ тілінде; - https://kase.kz/files/emitters/BRKZ/brkz_relizs_141124_1.pdf – орыс тілінде. [2024-11-14]